تراجعت أسعار الذهب بشكل طفيف بمصر مع بداية التعاملات الصباحية اليوم، تحديدًا في ظل إغلاق البورصات العالمية، وسط ترقب بسوق الذهب المحلي والعالمي تحديدًا لحركة الأسعار في الفترة اللي جايه.
تحديث أسعار الذهب في السوق المحلية
بلغ سعر جرام الذهب عيار 24 نحو 8040 جنية، واللي يعتبر الأعلى من حيث الجودة والنقاء، وده بيخليه المفضل لبعض المستثمرين اللي بيدوروا على الذهب الخام، مع ذلك، الإقبال عليه محدود شوية بسبب تكلفته العالية مقارنة بالأعيرة التانية.
أما جرام الذهب عيار 21 فقد سجل نحو 7035 جنية، بيحافظ على مكانته كالأكثر تداولًا في السوق المصرية، وهو مرجع رئيسي للسعر، وخصوصًا لارتباطه بعادات الادخار ومستلزمات الجواز، وده بيخليه مستقر إلى حد ما في الطلب.
كما وسجل جرام الذهب عيار 18 حوالي 6030 جنية، واللي محقق إقبال كبير من الشباب، وده بسبب تكلفته الأقل وكمان تصميماته العصرية، اللي بتخليه خيار عملي للي عايز يشتري مشغولات حديثة بأسعار مناسبة.
أسعار الجنية الذهب
سعر جرام الذهب عيار 14 وصل إلى نحو 4690 جنية، وده بيجذب اللي بيدوروا على حلول اقتصادية لشراء الذهب سواء بهدف الادخار أو عشان الهدايا، مع الاحتفاظ بقيمة المعدن الأساسية. فيما سجل سعر الجنيه الدهب حوالي 56280 جنية، ولا يزال من أكتر أشكال الذهب تداولًا في الهدايا والمناسبات الاجتماعية، ودا عشان سهولة بيعه وشراؤه وقيمته اللي نوعًا ما مستقرة.
أداء الذهب في الأسواق العالمية
استمر الذهب يحقق مكاسب لأسبوعه الرابع على التوالي يوم الجمعة 17 أبريل، مدعومًا بانخفاض الدولار الأمريكي وتصريحات وزير الخارجية الإيراني عباس عراقجي اللي قال إن مضيق هرمز بقى مفتوح كليًا لكل السفن التجارية طول الفترة المتبقية من وقف إطلاق النار، وده أدى لانخفاض أسعار النفط وكمان هدأ من المخاوف المتعلقة بالتضخم.
وارتفع الدهب في المعاملات الفورية 1.5% ليبلغ 4860.39 دولار للأونصة، كما وزاد سعر المعدن النفيس بأكثر من 2% من بداية الأسبوع. كما وارتفعت العقود الآجلة للمعدن الأصفر تسليم يونيو عند التسوية بنسبة 1.48%، يعني ما يعادل 71.30 دولار، علشان توصل لـ 4879.60 دولار للأونصة، لترتفع بنسبة 1.92% على مدار الأسبوع.